Коллежимиз ҳақида

Ta’lim muassasasi haqida ma’lumot

1936-yilda Xalq  komissariyati tomonidan Toshkent shahar, O‘qchi ko‘chasi 123-uyda Respublika maktabgacha tarbiya pedagogika bilim yurti tashkil etilgan. 1967-yilda bilim yurti Muqumiy ko‘chasi 178-binoga ko‘chib o‘tadi. 

 O‘zbekiston Respublikasi Oliy va o‘rta-maxsus ta’lim vazirligining 1998-yil 16-iyuldagi 192-sonli buyrug‘iga binoan o‘quv muassasasi negizida Toshkent pedagogika kasb-hunar kolleji tashkil etildi. 2000-yilda ta’lim muassasasiga Toshkent pedagogika kolleji maqomi berildi.                          

O‘zbekiston Respublikasi Vazirlar Mahkamasining 2019-yil 18-maydagi 418-son qaroriga ko‘ra Toshkent pedagogika kolleji O‘zbekiston Respublikasi Maktabgacha ta’lim vazirligi tasarrufiga o‘tkazildi. Toshkent pedagogika kolleji butun faoliyati davomida Respublikamiz xalq ta’limi  tizimi va maktabgacha ta’lim tizimi uchun minglab o‘rta maxsus ma’lumotli pedagog kadrlarni yetishtirib bergan.

    Toshkent pedagogika kollejida 1000 nafarga  yaqin o‘quvchilar tahsil olmoqda. Ularga o‘z kasbining tajribasiga ega bo‘lgan fan nomzodlari, bosh, katta va yetakchi toifaga ega bo‘lgan o‘qituvchilar dars berib kelmoqdalar. Kollej o‘qituvchilaridan 2 nafari  “Shuhrat” medali bilan taqdirlangan. Kollej o‘qituvchisi D.Karimova “O‘zbekistonda xizmat ko‘rsatgan yoshlar murabbiysi” faxriy unvoniga sazovor bo‘lgan. Kollejning 2 nafar o‘qituvchisi o‘rta maxsus, kasb-hunar ta’limi a’lochisi ko‘krak nishonini olgan.

Yillar davomida ta’lim muassasasining nomi quyidagicha nomlangan:

Ta’lim muassasasi tomonidan yaratilayotgan metodik ta’minot

          O‘zbekiston Respublikasi Prezidentining 2019-yil 6-sentyabrdagi PF-5812-sonli “Professional ta’lim tizimini yanada takomillashtirishga doir qo‘shimcha chora-tadbirlari to‘g‘risida”gi farmoni va O‘zbekiston Respublikasi Vazirlar Mahkamasining 2018-yil 31-dekabrdagi 1066-sonli “O‘zbekiston Respublikasi Bandlik va mehnat munosabatlari vazirligi faoliyatini takomillashtirish chora-tadbirlari to‘g‘risida”gi hamda O‘zbekiston Respublikasi Vazirlar Mahkamasining 2020-yil 7-avgustdagi 466-sonli “O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy xujjatlarni tasdiqlash to‘g‘risida”gi qarorlari asosida mehnat bozori talablaridan kelib chiqqan holda ko‘rsatilgan mutaxassisliklar bo‘yicha tayanch ta’lim muassasasi sifatida Respublika pedagogika kollejlariga malaka talablari, o‘quv rejasi va fan dasturlari to‘plami ishlab chiqilish belgilangan.

          O‘zbekiston Respublikasi Maktabgacha ta’lim vazirligi, O‘zbekiston Respublikasi Oliy va o‘rta maxsus ta’lim vazirligining qo‘shma qaroriga asosan “Maktabgacha ta’lim vazirligi tasarrufidagi pedagogika kollejlari uchun ilg‘or xorijiy tajribalardan foydalanib, yangi avlod o‘quv adabiyotlarni yaratish bo‘yicha mualliflar guruhini tashkil etish to‘g‘risida”gi 2021-yil 30-aprelda 7-son bilan buyruq chiqarilgan. Toshkent pedagogika kollejidan o‘quv adabiyotlarini yaratish bo‘yicha mualliflar guruhida 13 nafar muallif ishtirok etdi.

          O‘zbekiston Respublikasi Oliy va o‘rta maxsus ta’lim vazirligining 2020-yil 4-sentyabrdagi 465-sonli buyrug‘i asosida “Professional ta’lim muassasalari uchun o‘qitish materiallari to‘plamlarini yaratishni tashkil etish to‘g‘risida” buyrug‘i asosida ta’lim muassasasida 13 ta o‘qitish materiali yaratilib platformaga joylashtirildi. Har bir fandan o‘qitish materiallari yaratish maqsad qilib olindi. Kollej o‘qituvchilari 2021-2022-o‘quv yilida 33 ta xalqaro konferensiyalarda maqolalari bilan qatnashdilar.